Concello de Abegondo

Permanece aberto o prazo para o curso de poda do concello de Abegondo

Abegondo, 29 de xaneiro de 2010.- A Aula de Natureza de Abegondo, na parroquia de Crendes, prepara un taller de poda, que se vai desenvolver os días 4, 5 e 6 de febreiro. O curso está aberto ao publico en xeral e vai estar impartido polo especialista Francisco Otero. O horario vai ser o xoves e venres de 19:30 a 22:00 horas e o sábado de 11.00 a 13:30 horas.

O prazo de inscrición xa está aberto e as prazas están limitadas a 25 asistentes. O taller de poda ten un custo de 15 euros por persoa e os interesados poden reservar a súa praza no teléfono da Aula da Natureza 981 64 79 16. A documentación para a inscripción ten que entregarse na recepción da casa consistorial e é importante reservar a praza antes de abonar o custo do tallerEsta actividade formativa está organizada pola Concellería de Medio Rural, Protección Civil, Policía e Alumbrado, en colaboración coa Concellería de Urbanismo e Medio.