Concello de Abegondo

Clausura do obradoiro de primeiros auxilios para persoas maiores

Abegondo, 5 de marzo de 2010.- O alcalde de Abegondo, José Antonio Santiso e máis a concelleira de Servizos Sociais, Laura Calvo, clausuraron o Obradoiro de Primeiros Auxilios para persoas maiores organizado pola Concellería de Servizos Sociais e Sanidade do Concello de Abegondo.

Este Obradoiro, que se desenvolveu en cinco sesións desde o 21 de xaneiro, e cunha perioricidade semanal, contou coa colaboración dunha enfermeira e de persoal técnico de Cruz Vermella de Betanzos.

Os seus 22 participantes recibiron, nas 10 horas lectivas do curso, nocións básicas de primeiros auxilios e sobre como actuar en situacións de emerxencia.

As sesións formativas celebráronse nas Aulas de Formación de O Naranxo-Abegondo, instalacións que serviron tamén de marco para a clausura do devandito obradoiro.